「同理做個好Buddy」特工計劃

日期: 09/10/2025

【同你做個好Buddy！】

 

今日我哋訓育組帶領十位高年級學生參加由教育局舉辦嘅「同你做個好Buddy」特工隊工作坊 ，一齊學習點樣照顧、關懷低年級同學，營造一個和諧、關愛、同理嘅校園環境。

 

工作坊中，同學透過遊戲、角色扮演同分組討論，學識咗點樣用同理心去傾聽別人嘅感受，學習處理衝突同支援同學。有一位同學仲話：「原來做個好Buddy，唔係淨係幫手，而係要用心去理解對方！」

 

喺活動最後部份，同學仲上演咗一場小話劇。透過貼地嘅情節，佢哋成功帶出咗「陪伴」同「關懷」被欺凌同學嘅重要訊息。故事中，當一位同學受到排擠時，兩位特工主動伸出援手，陪住同學走出孤單同恐懼——呢份真誠嘅關懷，正正就係營造和諧校園嘅關鍵。

 

睇住佢哋由一開始嘅靦腆，到最後能夠自信演出、投入分享，真係令人感動。相信佢哋回到學校後，一定能以身作則，將愛與關懷嘅力量傳開去，為建立「關懷同行．無欺凌」嘅校園文化出一分力！